Portal Games, CinemaPlus kinoteatrlar şəbəkəsi ilə birgə daha bir maraqlı layihəyə imza atdı. Dünyaca məşhur qorxu filmi “Mişar 8”-in təqdimatı çərçivəsində tamaşaçılar üçün xüsusi və interaktiv bir atmosfer yaradıldı.
Filmin mövzusuna uyğun olaraq hazırlanmış bu təqdimat adi reklam formatından fərqlənərək, ziyarətçiləri birbaşa filmin qorxulu və gərgin dünyasına aparmağı hədəfləyirdi. Tədbir kinosevərlər üçün həm maraqlı, həm də yaddaqalan təcrübə oldu.
Bu layihə film təqdimatını sadəcə izlənilən bir hadisə deyil, iştirak edilən interaktiv təcrübəyə çevirdi.
“Mişar 8” filminin təqdimatı üçün CinemaPlus-un Gənclik Mall filialının lobbi hissəsində xüsusi interaktiv brand wall quraşdırıldı. Bu brand wall vasitəsilə ziyarətçilər film mövzusu ilə bağlı vizual elementlərlə ünsiyyət qura, şəkillər çəkdirə və təqdimatın bir parçası ola bildilər.
Portal Games tərəfindən hazırlanmış bu interaktiv zona tədbirə əlavə dinamika qataraq tamaşaçıların böyük marağına səbəb oldu. Layihə bir daha göstərdi ki, kreativ yanaşma və interaktiv həllər brendlə auditoriya arasında daha güclü əlaqə yaradır.
