1 və 2 iyun tarixlərində Portal Games əyləncə sənayesinin ən böyük tədbirlərindən biri olan Game Summit-də iştirak etdi. Tədbir prestijli Baku Crystal Hall-da keçirilərək innovativ oyunlar, texnologiyalar və kreativ əyləncə həlləri ilə dolu unikal bir platforma yaratdı.
Bu iştirak bizim üçün təkcə tədbirdə yer almaq deyil, eyni zamanda öz oyun fəlsəfəmizi nümayiş etdirmək fürsəti idi. Portal Games olaraq Crystal Hall-un adi məkanlarını real oyun meydançasına çevirmək ideyasını həyata keçirdik və tədbirə özünəməxsus imzamızı atdıq.
Əyləncə bizim üçün sadəcə oyun deyil — yaradılan hər təcrübə bir hekayədir.
Game Summit çərçivəsində həyata keçirdiyimiz kvest layihəsi iştirakımızın ən təsirli anlarından biri oldu. Bu kvestin cəmi 17 saat ərzində qurulması komandamızın yüksək peşəkarlığını, sürətli qərarvermə bacarığını və kreativ düşüncə tərzini bir daha ortaya qoydu.
Hər detal elə planlaşdırılmışdı ki, zamanın hər saniyəsi unikal bir oyunun formalaşmasına xidmət etsin. Tədbir iştirakçılarından aldığımız çoxsaylı müsbət rəylər və təşəkkürlər göstərilən bütün zəhmətin ən dəyərli qarşılığı oldu.
Çünki Portal Games üçün əsas məqsəd insanlara oyunlar və əyləncə vasitəsilə sevinc, həyəcan və unudulmaz xatirələr bəxş etməkdir.
